ۇ ب ت تاپسىرمالارىنىڭ ساپاسى ارتادى - عىلىم مينيسترلىگى

- 2023-2024 -جىلدار ارالىعىندا دۇنيەجۇزىلىك بانكتىڭ «ورتا ءبىلىم بەرۋدى جاڭعىرتۋ» جوباسى اياسىندا ەلىمىزدىڭ بارلىق وڭىرلەرىنەن ىرىكتەلگەن 350 ساراپشى ۇ ب ت تەست تاپسىرمالارىن ءتيىمدى ازىرلەۋ جانە ساراپتاما جاساۋ بويىنشا وقىتۋ كۋرسىنان ءوتتى. وقىتىلعان ساراپشىلار ۇلتتىق تەستىلەۋ ورتالىعى ۇيىمداستىرعان ءىس-شارالارعا بەلسەندى تۇردە جۇمىلدىرىلىپ، تاجىريبەلەرىن ودان ءارى جەتىلدىپ جاتىر. ورتالىق مۋلتيمەديا ەلەمەنتتەرى مەن جوعارى دەڭگەيدەگى كوگنيتيۆتىك ماشىقتاردى باعالايتىن ينتەراكتيۆتى تاپسىرمالاردى ازىرلەۋ ماقساتىندا جاڭا يننوۆاتسيالىق ونلاين پلاتفورماسىن ەنگىزۋ بويىنشا جۇمىستى اتقارىپ وتىر. اتالعان پلاتفورما ارقىلى ءارتۇرلى تيپتەگى تاپسىرمالاردى ازىرلەۋ مۇمكىندىگى اشىلادى، بۇل ءوز كەزەگىندە ۇ ب ت تاپسىرمالارىنىڭ ساپاسىن ارتتىرادى، - دەپ اتالىپ وتكەن عىلىم مينيسترلىگىنىڭ Kazinform اگەنتتىگىنە بەرگەن جاۋابىندا.

وسىعان دەيىن 2021 -جىلعى 3-جەلتوقسانداعى دۇنيەجۇزىلىك بانكتىڭ «ورتا ءبىلىم بەرۋدى جاڭعىرتۋ» جوباسى اياسىندا دايىندالعان ەسەپ نەگىزىندە حالىقارالىق كەڭەسشىلەردىڭ ۇسىنىستارى ەسكەرىلگەن.

- بۇل تۇرعىدا 2024 -جىلى ۇ ب ت-عا مۋلتيمەديالىق ەلەمەنتتەرى بار سايكەستىكتى انىقتاۋعا ارنالعان تەست تاپسىرمالارى ەنگىزىلگەندىگىن اتاپ وتەمىز، - دەلىنگەن ۆەدومستۆو اقپاراتىندا.

بيىل تامىز ايىندا عىلىم جانە جوعارى ءبىلىم ءمينيسترى ساياسات نۇربەك ۇلتتىق ءبىرىڭعاي تەستىلەۋ جۇيەسىندەگى وزگەرىستەرگە قاتىستى پىكىر ايتتى.

اۆتور
رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى