ۇ ب ت- نى قانشا ادام قازاق تىلىندە تاپسىردى

باسپا ءسوز قىزمەتىنىڭ مالىمەتتەرىنە قاراعاندا، تالاپكەرلەردىڭ 76,81 پايىزى قازاق تىلىندە، 23,14 پايىزى ورىس تىلىندە، 89 ادام اعىلشىن تىلىندە تەستىلەۋدەن ءوتتى.

ۇ ب ت- دا شەكتى بالدى 70,35 پايىزعا جۋىق تالاپكەر جينادى. ورتاشا بالعا كەلەتىن بولساق، ول 65,81 بالدى قۇرادى. ەڭ جوعارى بال - 139. جالپى 186 تالاپكەر 130 دان جوعارى بال جينادى.

تەستكە قاتىسۋشىلاردىڭ باسىم بولىگى «ماتەماتيكا-فيزيكا» كومبيناتسيالارىن تاڭداعان، اتاپ ايتقاندا، 17,5 پايىزى تاپسىردى. «بيولوگيا-حيميا» پاندەرىن 17,27 پايىز تاڭداعان. سونداي-اق توپ-3 قاتارىنا تالاپكەرلەردىڭ 10,29 پايىز تاڭداعان «ماتەماتيكا-ينفورماتيكا» كومبيناتسياسى كىردى. ەڭ از تاڭدالعان كومبيناتسيا - «حيميا-فيزيكا»، ونى 197 ادام تاپسىرعان.

2025-جىلعى قاڭتار ۇ ب ت- سىنىڭ قورىتىندىسى بويىنشا تالاپكەرلەر «وقۋ ساۋاتتىلىعى» ءپانىن جوعارى دەڭگەيدە تاپسىردى. ورتاشا ەسەپپەن سۇراقتاردىڭ 75,43 پايىزىنا دۇرىس جاۋاپ بەرىلگەن. ال «فيزيكانى» تاپسىرعان تالاپكەرلەردىڭ تەك 32,32 پايىز تاپسىرمانى دۇرىس ورىنداعان، ولار ءۇشىن «ەلەكتروماگنيتتىك يندۋكتسيا» تاقىرىبى قيىن بولدى.

وسىلايشا، ۇ ب ت ناتيجەلەرى بويىنشا ۇلتتىق تەستىلەۋ ورتالىعى تەك ساندار ەمەس، سونىمەن قاتار تاقىرىپتار بويىنشا ەگجەي-تەگجەيلى تالداۋدى دا ۇسىنادى.

ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا قاڭتار ۇ ب ت- سىنا 392 تالاپكەر قاتىسقانىن ايتا كەتكەن ءجون.

ۇ ب ت وتكىزۋ بارىسىندا 197 ەرەجە بۇزۋشىلىق انىقتالعان. ونىڭ ىشىندە 101 تالاپكەر سمارتفون جانە شپارگالكا سياقتى تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى، ال تەستىلەۋ كەزىندە ەرەجەلەردى بۇزعانى ءۇشىن اۋديتوريادان 96 ادام شىعارىلدى. وزگە تۇلعالار انىقتالعان جوق.

تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرە الدى. بۇل جولى 14 مىڭنان استام ءوتىنىش قابىلداندى، ولاردىڭ ىشىندە 10 ءوتىنىش قاناعاتتاندىرىلدى. رەسپۋبليكالىق كوميسسيا جۇمىسىن اياقتادى، تالاپكەرلەردىڭ سەرتيفيكاتتارى جەكە كابينەتتە قولجەتىمدى.

ايتا كەتسەك، 2025-جىلعى ۇ ب ت اياقتالعاننان كەيىن كۇنتىزبەلىك جىلدىڭ 31-قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇ ب ت ناتيجەلەرى جويىلادى.

- ەستەرىڭىزگە سالا كەتسەك، قاڭتارداعى ۇ ب ت- عا شارتتى تۇردە اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعان، جازعى ۇ ب ت ناتيجەلەرى بويىنشا شەكتى بالل جيناماعاندار، شىعارماشىلىق ب ب ت- دان باسقا دايىندىق باعىتتارىنا، پەداگوگيكالىق باعىتقا اقىلى نەگىزدە اۋىسقىسى كەلەتىندەر، سونداي-اق مەكتەپ بىتىرەتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى، - دەلىنگەن ق ر ع ج ب م ۇلتتىق تەستىلەۋ ورتالىعى.

وسىعان دەيىن قاڭتار ايىنداعى ۇ ب ت- نىڭ ءۇش اپتاسىندا 126 مىڭعا جۋىق ادام تەست تاپسىرعانى تۋرالى حابارلادىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى