ۇ ب ت- دان 140 بال جيناعان تۇلەككە 5 ميلليون تەڭگە سىياقى بەرىلدى
استانا. KAZINFORM - ر. قوشقاربايەۆ اتىنداعى قوسشى مەكتەبىنىڭ وقۋشىسى ەرجانوۆا ايىم ۇ ب ت- دان 140 بال جينادى. ەلوردا دا ۇ ب ت- دان جوعاى ۇپاي جيناعان تۇلەكتەر ماراپاتتالدى، دەپ حابارلايدى kazinform ءتىلشىسى.
تەستىلەۋدەگى بارلىق سۇراققا دۇرىس جاۋاپ بەرىپ، ماكسيمالدى بال جيناعان ايىم ەرجانوۆاعا «ZERDELI» اقىل-وي دامىتۋ ورتالىعىنىڭ ديرەكتورى ىرىسبەك ءماۋىت ۇلى 5 ميلليون تەڭگە جانە iPhone 15 تەلەفونىن سىيلادى. ۇ ب ت- دان 139 بال جيناعان اقنۇر ۋتەقۇل مەن 137 بال جيناعان ماردان كۋنشىگاروۆعا iPhone 15 پرو جانە دۋبايعا جولداما تابىس ەتىلدى.
سونىمە بىرگە 130 دان جوعارى ۇپاي جيناعان اسىلمۇرات وتەمىس (135 ۇپاي)، نۇربەك بولاربەك (130 ۇپاي)، اليحان اۋباكىر (130 ۇپاي)، گۇلنۇر اتامباي (130 ۇپاي)، ايانا جايلاۋبايەۆا (133 ۇپاي) قاتارلى تۇلەكتەر 50 مىڭ تەڭگەنىڭ سەرتيفيكاتى جانە دۋبايعا جولداما ۇتىپ الدى.
«مەنىڭ بىلىمگە قاتىستى ءۇش ۇرانىم بار. ءبىرىنشىسى - ءبىلىم ءبىزدى بىرىكتىرەدى. وسى ءبىلىمنىڭ ارقاسىندا باسىمىز قوسىلىپ وتىر. ەكىنشى ۇرانىم - ءبىلىمدىنىڭ كۇنى جارىق. وسى العان بىلىلمدەرىڭ وتباسىڭىزدان باستاپ، بۇكىل قازاق ەلىنە جارىق شاشارى ءسوزسىز. ءۇشىنشى ۇرانىم - وقىعان ورازدى. مىنە، بۇگىن سونىڭ كۋاسى بولىپ تۇرمىز. ايىم وقىدى، توقىدى، ۇيقىسىز تۇندەر وتكىزدى، بۇگىن سونىڭ جەمىسىن كورىپ، اتا-اناسىن، ۇستازدارىن قۋانتىپ وتىر»، - دەيدى ماراپاتتاۋ شاراسىنا كەلگەن ءماجىلىس دەپۋتاتى داۋلەت مۇقايەۆ.
ۇ ب ت- دان ەڭ جوعارى ۇپاي جيناعان ايىم ەرجانوۆا ادامدا ماقسات پەن سەنىم بولسا جانە سوعان ساي ارەكەت ەتسە الىنبايتىن قامال جوق ەكەنىن ايتادى.
«بىلمگە قۇشتار جاقسى ورتا تاپتىم، بىرگە دايىندالدىم. تەلەفوننان الشاقتاپ، كىتاپقا كوڭىل ءبولدىم. ۋاقىتىمدى ءتيمىدى پايدالانۋعا تىرىستىم. اتا-انامنىڭ ءۇمىتىن اقتاعانىما قۋانىپ تۇرمىن. وسى ورتالىققا 10 سىنىپتان باستاپ كەلىپ، دايىندالىپ ءجۇرمىن. دۇنيەجۇزى تاريحى جانە اعىلشىن ءتىلى پاندەرىن تاڭدادىم. وسى ورايدا اتا-اناما جانە ۇستازدارىما العىس ايتامىن. اللا قالاسا ەۋرازيا ۇلتتىق ۋنيۆەرسيتەتىنەن ەكى شەت ءتىلى ماماندىعىن تاڭداپ وتىرمىن»، - دەيدى ۇ ب ت- دان 140 ۇپاي جيناعان ايىم ەرجانوۆا.
ايىمنىڭ اتا-اناسى قىزىنىڭ وقۋىنا بارىنشا قولداۋ بىلدىرەتىنىن ايتتى.
«قوسشى قالاسىندا تۇرامىز. 6 بالام بار. ايىم - تۇڭعىش قىزىمىز. ول اجەسىمەن بىرگە ءبىر بولمەدە تۇرادى. مەكتەپتى التىن بەلگىمەن ءبىتىرىپ، 100 مىڭ تەڭگە ماراپات العان بولاتىن. ءوزى وتە قاجىرلى، وقۋعا ىنتالى بولدى. بىزدە اتا-انا رەتىندە مۇمكىندىگىمىزشە وعان قولداۋ ءبىلدىرىپ كەلەمىز»، - دەيدى اناسى تاپەنوۆا ايگەرىم مانات قىزى.
«ZERDELI» اقىل-وي دامىتۋ ورتالىعىنىڭ ديرەكتورى ىرىسبەك ءماۋىت ۇلى ءبىلىمدى جاستارعا سىيلىق بەرىپ، ىنتالاندىرۋدىڭ باستى ماقساتى - ءبىلىمدى ترەندكە اينالدىرۋ ەكەنىن ايتادى.
«بۇل - بىلىمدىلەردىڭ زامانى، جاڭا تەحنولوگيانىڭ زامانى. ءبىلىمدى ترەندكە اينالدىرۋ - باستى ماقساتىمىز. ءبىلىم ارقىلى ۇلكەن جەتىستىككە، تابىسقا جەتۋگە بولاتىنىن دالەلدەگىمىز، جاستاردىڭ ساناسىنا سىڭىرگىمىز كەلەدى»، - دەيدى ىرىسبەك ءماۋىت ۇلى.
اۆتور ريزابەك نۇسىپبەك ۇلى
