ەڭ ارزانى مىسىردا، ەڭ قىمباتى گونكونگتا: بەنزين باعاسى بويىنشا قازاقستان قاي ورىندا؟

الايدا ەل ىشىندە باعا 13 پايىزعا وسكەن. بيىل قاڭتار-تامىز ايلارىنىڭ قورىتىندىسى بويىنشا قازاقستاندا 3,4 ميلليون توننا بەنزين ءوندىرىلدى. بۇل بىلتىرعىمەن سالىستىرعاندا 5,4 پايىزعا ارتىق.

وڭىرلەر اراسىندا ەڭ كوپ بەنزين شىمكەنتتەن شىقتى: جىلىنا 1,3 ميلليون توننا. كوشباسشى وڭىرلەر ۇشتىگىنە اتىراۋ (1,2 ميلليون توننا) جانە پاۆلودار (980,4 مىڭ توننا) وبلىستارى دا كىردى. 2022-جىلى بەنزين ءوندىرىسى 5 ميلليون توننا بولعان ەدى.

بيىل قىركۇيەكتە بەنزين باعاسى جىلدىق قارقىنمەن 13,4 پايىزعا ءوستى. ونىڭ ىشىندە اي-98 11,7 پايىزعا، اي-92 بەنزينى 12,8 پايىزعا، اي-95/اي-96 بەنزينى 16,8 پايىزعا ءوستى.

اي-92 بەنزينىنىڭ ورتاشا باعاسى - 203 تەڭگە، اي-95/اي-96 بەنزينى 249 تەڭگە، اي-98 بەنزينى 261 تەڭگە.

وڭىرلەر اراسىندا الماتىدا بەنزين باعاسى قاتتى ءوستى. انتيليدەرلەر ۇشتىگىنە الماتى جانە قاراعاندى وبلىستارى دا كىردى.

13- قازانداعى جاعداي بويىنشا الەمدەگى ەڭ ارزان بەنزيندى مىسىردان ساتىپ الۋعا بولادى، وندا 1 ليتردىڭ باعاسى - 0,32 دوللار. ودان كەيىن الجير (0,32 دوللار) جانە كۋۆەيت (0,34 دوللار) تۇر.

قازاقستان ارزان بەنزين بويىنشا بەسىنشى ورىندا. ەلىمىزدە بەنزين باعاسى 0,46 ا ق ش دوللارى بولادى. جەتىنشى ورىندا رەسەي تۇر، وندا 1 ليردىڭ قۇنى - 0,53 ا ق ش دوللارى.

ەڭ قىمبات بەنزين گونكونگ (2,88 ا ق ش دوللارى)، فينليانديا (2,23 ا ق ش دوللارى) جانە گرەكيادا (2,14 ا ق ش دوللارى).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى