اۋىرسىنۋدى باساتىن ءدارىنىڭ زيانى مەن پايداسى
اۋىرۋ ءومىر بويى بارلىعىندا ءجيى كەزدەسەتىن بەلگىلەردىڭ ءبىرى.
اۋىرۋ ءومىر بويى بارلىعىندا ءجيى كەزدەسەتىن بەلگىلەردىڭ ءبىرى. اۋىرسىنۋدى باسۋ ءۇشىن ادامدار ارنايى كوپتەگەن اۋرۋ مەن مەديتسينالىق پروتسەدۋرامەن بىرگە جۇرەتىن اۋىرسىنۋ مەن ىڭعايسىزدىقتى جەڭىلدەتۋگە كومەكتەسەتىن ءدارى ىشەدى. دەگەنمەن، كەز كەلگەن ءدارى سياقتى، اۋىرسىنۋدى باساتىن ءدارىنىڭ دە ارتىقشىلىعى مەن كەمشىلىگى بار.
اۋىرسىنۋدى باساتىن ءدارىنى ءاردايىم تۇتىنۋ يممۋنيتەتتىڭ تومەندەۋىنە اكەلەدى. اۋىرسىنۋعا ءتوزۋدىڭ قاجەتى جوق. ەگەر ادامنىڭ ءبىر جەرى اۋىرسا، ونىڭ كەز كەلگەن اقپاراتتى ءتۇسىنۋى قيىندايدى. سوندىقتان الدىمەن ادامدى وسى نەگاتيۆتەن ايىرىپ، سودان كەيىن عانا ديالوگقا كىرىسۋ كەرەك.
اۋىرسىنۋدى باساتىن ءدارىنىڭ ارتىقشىلىقتارى
اۋىرسىنۋ باسىلادى. ەڭ ايقىن جانە ماڭىزدى ارتىقشىلىق. اۋىرسىنۋدى باساتىن دارىلەر ستوماتولوگيالىق ماسەلەدەن قاتەرلى ىسىككە دەيىن، جاراقاتتانۋدان نەمەسە وپەراتسيادان كەيىنگى ىڭعايسىزدىقتى جەڭۋگە كومەكتەسىپ، ءارتۇرلى اۋرۋدان زارداپ شەگەتىن ادامداردىڭ ءومىر ءسۇرۋ ساپاسىن جاقسارتادى.
دەنەدە اۋىرسىنۋدىڭ كوپتەگەن سەبەبى بار. مىسالى، قابىنۋ پروتسەسى نەمەسە جاراقات. كوبىنەسە پاراتسەتامول، يبۋپروفەن، ۆولتارەن سەكىلدى قابىنۋعا قارسى ستەرويدتى ەمەس پرەپاراتتار قولدانىلادى.
كوڭىل-كۇي كوتەرىلەدى. اۋىرسىنۋ فيزيكالىق ىڭعايسىزدىق تۋدىرىپ قانا قويماي، پسيحيكالىق جاعدايعا دا تەرىس اسەر ەتەدى. اۋىرسىنۋدى باساتىن دارىلەر اۋىرسىنۋدى جەڭىلدەتىپ، كوڭىل-كۇي مەن جالپى ءال-اۋقاتتى جاقسارتادى.
قولجەتىمدى. قابىنۋعا قارسى ستەرويدتى ەمەس پرەپاراتتار ءبىرىنشى قاتارداعى قاراپايىم دارىلەر. ولار سالىستىرمالى تۇردە ارزان جانە دارىگەردىڭ نۇسقاۋىنسىز قولدانۋعا بولاتىندىقتان، قولجەتىمدى.
اۋىرسىنۋدى باساتىن ءدارىنىڭ كەمشىلىكتەرى
ۇسىنىلعان مولشەرىنەن كوپ پايدالانۋ. ءاربىر پرەپاراتتىڭ قابىلداۋ رەجيمى مەن ماكسيمالدى رۇقسات ەتىلگەن تاۋلىكتىك دوزاسى بار. ودان اسىپ كەتسەڭىز، سالدارى باۋىر مەن بۇيرەكتىڭ زاقىمدانۋى سياقتى اۋىر اسقىنۋعا اكەلەدى.
سونداي-اق، اۋىرسىنۋدى باساتىن ءدارىنى باقىلاۋسىز، ۇزاق ۋاقىت قولدانار بولساڭىز، قان ۇيۋى بۇزىلىپ، اسقازان-ىشەك جولىندا قان كەتۋگە اكەلۋى مۇمكىن.
جاناما اسەرى بار. اۋىرسىنۋدى باساتىن دارىلەر جۇرەك اينۋ، قۇسۋ، باس اينالۋ جانە ءىش قاتۋ سياقتى جاناما اسەر تۋدىرادى. ال كەيبىر ءدارى- دارمەكتەر جۇرەك- قان تامىرلارى جانە باسقا اۋرۋلاردىڭ دامۋ ءقاۋپىن ارتتىرادى.
اۋىرسىنۋدى ءجاي عانا باسادى، ەمدەمەيدى
ەگەر پاتولوگيالىق پروتسەسس ەمدەلمەسە، اۋىرسىنۋ جالعاسا بەرەدى. مۇنداي دارىلەر اۋرۋدى ەمدەمەيدى، اۋىرسىنۋدى تەك ۋاقىتشا باسادى. اۋرۋدى ۋاقىتشا باسىپ قويۋ دۇىس ەمەس، سەبەىن تاۋىپ، ونى جويۋ كەرەك.
