ە ا ە و- نىڭ ىشكى نارىعىندا ءبىر- بىرىمىزبەن باسەكەلەسپەۋىمىز كەرەك - پرەزيدەنت
قازاقستان مەن رەسەي ە ا ە و- نىڭ ىشكى نارىعىندا ءبىر- بىرىمەن باسەكەلەسپەۋى كەرەك. بۇل تۋرالى قازاقستان مەن رەسەيدىڭ XIX ءوڭىرارالىق ىنتىماقتاستىق فورۋمىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى Kazinform.
«رەسەي - الەمدە ەڭ ءىرى ورگانيكالىق تىڭايتقىش ەكسپورتتايتىن ەلدىڭ ءبىرى. ءونىم وتكىزۋ نارىعىنىڭ وزگەرۋىنە بايلانىستى قازاقستانداعى رەسەي تىڭايتقىشتارىنىڭ يمپورتى ايتارلىقتاي ارتتى. مۇنىڭ سالدارى وتاندىق كاسىپورىندارعا اسەر ەتىپ وتىر. ءبىز ە ا ە و- نىڭ ىشكى نارىعىندا ءبىر- بىرىمىزبەن باسەكەلەسپەۋىمىز كەرەك دەپ سانايمىن. ءبىز بىرلەسە وتىرىپ، فەرمەرلەرىمىزگە تىڭايتقىشتاردى قولجەتىمدى ەتۋ جانە سىرتقى نارىقتارعا شىعۋ جولدارىن ىزدەستىرۋىمىز قاجەت. قازاقستان ازىق- تۇلىك، تىڭايتقىش جانە داقىل تۇقىمدارى حالىقارالىق سانكسيالىق شەكتەۋلەرگە ىلىكپەۋى كەرەك دەگەن پوزيتسيانى ۇستانادى. ويتكەنى ول جاھاندىق ازىق- تۇلىك قاۋىپسىزدىگىن نىعايتۋ ءۇشىن قاجەت»، - دەدى قاسىم- جومارت توقايەۆ.
اۆتور
مارلان جيەمباي
