ە ا ە و ەلدەرىنىڭ وندىرىستىك الەۋەتىن جۇزەگە اسىرۋ 600 ميلليون ادامدى تاماقتاندىرۋعا مۇمكىندىك بەرەدى - قازاقستان پرەزيدەنتى
ە ا ە و ەلدەرىنىڭ وندىرىستىك الەۋەتىن تولىققاندى جۇزەگە اسىرۋ 600 ميلليون ادامدى تاماقتاندىرۋعە مۇمكىندىك بەرەدى.
بۇل تۋرالى قازاقستان مەن رەسەيدىڭ XIX ءوڭىرارالىق ىنتىماقتاستىق فورۋمىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى Kazinform.
«وزدەرىڭىز بىلەتىندەي، سوڭعى كەزدەرى جاھاندىق ازىق- تۇلىك قاۋىپسىزدىگىنە كليماتتىڭ وزگەرۋى، ساياسي جانە ەكونوميكالىق تۇراقسىزدىق، حالىقارالىق جەتكىزۋ تىزبەگىنىڭ بۇزىلۋى سياقتى فاكتورلار كەرى اسەرىن تيگىزۋدە. الەمدە اشتىق پەن ازىق- تۇلىك تاپشىلىعىنا تاپ بولعان ادام سانى 830 ميلليونعا دەيىن ءوستى. بۇعان قوسا، ب ۇ ۇ 2050-جىلعا قاراي جەر شارى حالقىنىڭ سانى تاعى 2 ميلليارد ادامعا وسەدى دەپ بولجايدى. ساراپشىلاردىڭ باعالاۋىشا، ەاەو ەلدەرىنىڭ وندىرىستىك، رەسۋرستىق جانە ەكسپورتتىق الەۋەتىن تولىققاندى ىسكە اسىرۋ شامامەن 600 ميلليون ادامدى تاماقتاندىرۋعا مۇمكىندىك بەرەدى. جانە دە بۇل بولجامدار وتە شىنايى»، - دەدى قاسىم- جومارت توقايەۆ.
پرەزيدەنتتىڭ ايتۋىنشا، قازاقستاندا سوڭعى بەس جىلدا اۋىل شارۋاشىلىعىنىڭ ىشكى جالپى ءونىمىنىڭ كولەمى ەكى ەسەدەن استام ءوستى. اۋىل شارۋاشىلىعى ونىمدەرىنىڭ ەكسپورتى ەكى ەسە ارتىپ، 6 ميلليارد دوللارعا جەتتى.
«ءبىزدىڭ اۋىل شارۋاشىلىعى ونىمدەرىمىز الەمنىڭ 80 ەلىنە جەتكىزىلەدى. ازىق- تۇلىك قاۋىپسىزدىگىنىڭ جاھاندىق يندەكسىندە 2022 -جىلى قازاقستان 113 ەلدىڭ ىشىنەن 32-ورىنعا يە بولدى»، - دەدى مەملەكەت باسشىسى.
