ليليا راح پەن جۋسان بانك داۋى: تاركىلەنگەن برەند بۇيىمدار قايدا كەتتى

كاسىپكەر زاڭگەرى نە دەيدى

2017 -جىلى بانك 4,7 ميلليارد تەڭگەگە جەتەتىن بارلىق قارىزدى مەرزىمىنەن بۇرىن وتەۋدى تالاپ ەتكەن.

«سوت شەشىمى شىققانشا بىردە- ءبىر تولەم كەشىكتىرىلمەگەن، اي سايىن 145 مىڭ ا ق ش دوللارى تولەنىپ وتىرعان. جالپى ەسەپتە 5,7 ميلليون دوللار نەسيە وتەلگەن ەدى. 2017 -جىلى بانك 4 ميلليارد 778 ميلليون تەڭگەنى مەرزىمىنەن بۇرىن تولەۋدى تالاپ ەتتى. بۇل وتە ۇلكەن سوما، بىردەن قايتارۋ مۇمكىن ەمەس. وعان قوسا، بانك ودان 3 ميلليارد 738 ميلليون 635 مىڭ تەڭگەگە كەپىل زاتىن ءوندىرىپ العان، بۇل الماتىنىڭ ورتالىعىنداعى 5,5 مىڭ شارشى مەتر عيمارات. قالعان بەرەشەك 1 ميلليارد 40 ميلليون تەڭگە ەكەنىنە كەلىسىم بەردىك. بەرەشەك ەسەبىنە 1 ميلليارد 200 ميلليون تەڭگەگە جىلجىمالى مۇلىك (تاۋارلار) ل. راحتىڭ ءوز ەركىمەن بەرىلدى، ونى بانك 759415056 تەڭگەگە باعالادى. مۇنىڭ ءبارى تانىمال ديزاينەرلەردىڭ باعالى زاتتارى ەدى، ونداعى ءبىر كوستيۋمنىڭ قۇنى 2 ميلليون تەڭگەگە جەتەتىن»، - دەدى زاڭگەر استانادا وتكەن باسپا ءسوز ءماسليحاتىندا.

وسىنىڭ ءبارىن ەسكەرە كەلە، زاڭگەر قالعان بەرەشەك 500 ميلليون تەڭگەدەن اسپاۋى كەرەكتىگىن ايتۋدا.

ۆ. مەلەنتسوۆانىڭ سوزىنشە، بانك قىزمەتكەرلەرى دە، ءتىپتى Jusan Bank اكسيونەرلەرى دە ليليا راحتىڭ نەسيە ءۇشىن قانشا قارىزى بارىن بىلمەيدى.

«ودان كەيىن تۇسىنىكسىز جايتتار باستالدى. ول كەزدە زاڭ بانكتەرگە اۋكسيوندارعا قاتىسۋعا رۇقسات بەرەتىن. 2018 -جىلى بانك قارىزدىڭ قالدىعىن ەسەپتەن شىعارماي، ليليا راح مۇلكىن %50 جەڭىلدىكپەن ءوزىنىڭ ۇلەستەس كومپانيالارىنا سەنىمگەرلىك باسقارۋعا بەردى. 2,5 جىل بويى ءبىز بانكتىڭ مۇلىكتى بالانسقا قابىلداۋىن كۇتتىك. قازىر دە بانك نەسيە قۇجاتتاماسىن بەرۋدەن باس تارتتى جانە قانشا قارىز قالعانى، ەسەپتەن شىعارىلعان سوما تۋرالى ناقتى اقپاراتى جوق. مۇنى سوت پروتسەسى ەمەس، زاڭداستىرىلعان رەيد دەپ اتاۋعا بولادى. ەشكىم قارىزدىڭ ناقتى مولشەرىن ايتپايدى، ىسكەر ايەلدەن اقشا «ساۋۋدىڭ» امالى»، - دەيدى ۆيكتوريا مەلەنتسوۆا.

زاڭگەر تاركىلەنگەن مۇلىكتىڭ قايدا جىبەرىلگەنى تۋرالى ەش اقپاراتتىڭ بولماۋى - قىلمىستىق قۇقىقبۇزۋشىلىق ەكەنىن جانە بۇل سەنىپ تاپسىرىلعان بوتەن مۇلىكتى جىمقىرۋ جانە ۇرلاۋ رەتىندە قاراستىرىلاتىنىن باسا ايتتى. وسىعان بايلانىستى باس پروكۋراتۋراعا اسىرەسە، الىنعان برەندتىك تاۋارلار بويىنشا تولىق اۋديت جۇرگىزۋ ءۇشىن حات دايىندالىپ جاتىر.

«قارىز بويىنشا ليليا راحتى اقتاۋ ماقساتىم جوق. زاتتاردى الىڭىزدار، ەگەر 30-50 ميلليون تەڭگە قارىز قالسا، ءبىز ونى تولەيمىز. ول قازىر رەسمي تۇردە بايەر، قانداي دا ءبىر برەندتەردى جارنامالاۋى مۇمكىن، ءبىراق ول جۇمىس ىستەمەيدى. بانكيرلەر ونىڭ Instagram-پاراقشاسىنان كورگەن دۇنيەلەردى ليليانىڭ مەنشىگى دەپ ويلايدى. شىن مانىندە ولاي ەمەس. قىمبات جالداۋ اقىسىن دا ءوزى تولەمەيدى. وسى كۇنگە دەيىن الاتىن دۇنيەنىڭ ءبارى الىندى»، - دەدى ۆيكتوريا مەلەنتسوۆا.

Jusan Bank مالىمەتى

ءوز كەزەگىندە «First Heartland Jusan Bank» ا ق بۇگىنگى باسپا ءسوز ءماسليحاتى تۋرالى مالىمدەمە جاسادى.

«Jusan Bank ءتىڭ ل. راح حانىمعا قاتىستى تالاپ- ارىز بويىنشا جۇرگىزگەن بارلىق جۇمىستارى قولدانىستاعى زاڭناماعا سايكەس جۇزەگە اسىرىلۋدا. بۇل جۇمىستار ونىڭ 2016 -جىلدان باستاپ بانك الدىنداعى بانكتىك قارىز شارتى بويىنشا مىندەتتەمەلەرىن ورىنداماۋىنىڭ سالدارى جانە ول ءتيىستى سوتتاردىڭ شەشىمدەرىمەن راستالعان. بانك ەڭ الدىمەن، ءوز كليەنتتەرى مەن سالىمشىلارىنىڭ مۇددەسىن ەسكەرە كەلە ارەكەت ەتەدى»، - دەپ جازىلعان بانك جاۋابىندا.

سونداي- اق بانك ل. راحتىڭ مەرزىمى وتكەن بەرەشەكتى وتەۋ شارتتارىنا قاتىستى سىندارلى تالقىلاۋ جۇرگىزۋگە دايىن ەكەنىن جەتكىزدى.

«باسقا دا بانك پەن قارىز الۋشى اراسىنداعى قارىم- قاتىناستىڭ ەگجەي- تەگجەيلى دەرەكتەرى - بانك قۇپياسى تۋرالى زاڭنامامەن قورعالاتىن اقپارات»، - دەيدى Jusan Bank.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى