الماتىدا كوشەدە تۇكىرگەن 70 تەن استام ادامعا ايىپپۇل سالىندى
لماتىدا قوعامدىق ورتادا تۇكىرگەنى ءۇشىن 71 ادامعا جارتى ميلليون تەڭگەگە جۋىق ايىپپۇل سالىندى، دەپ حابارلايدى قازاقپارات ءتىلشىسى.
الماتىلىقتار قولجەتىمدى بايلانىس ارنالارى ارقىلى پوليتسياعا ۇساق قۇقىق بۇزۋشىلىقتار تۋرالى حابارلاپ وتىرادى. ونىڭ ىشىندە ادامداردىڭ قوعامدىق ورىنداردا تۇكىرۋ دەرەگى كوپ كەزدەسەدى. بۇل تۋرالى الماتى قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باسشىسى ەرجان ۇزاقبايەۆ ايتتى.
«جىل باسىنان بەرى «102» قوسىمشاسى ارقىلى ازاماتتاردان 10 مىڭعا جۋىق حابارلاما تۇسكەن. ەڭ ءجيى كەزدەسەتىنى - ادامداردىڭ قوعامدىق ورىنداردا تۇكىرۋى. الماتىدا پوليتسەيلەر 11-15 قىركۇيەك ارالىعىندا قوعامدىق ورىنداردى لاستاۋدىڭ 257 دەرەگىن انىقتاسا، ونىڭ 71 ءى - كوشەدە تۇكىرگەندەر. ايىپپۇل سوماسى - 433 مىڭ تەڭگە»، - دەدى ەرجان ۇزابايەۆ.
ول سونداي- اق قوعامدىق ورىنداردا تۇكىرگەندەر ق ر ا ق ب ت ك- ءنىڭ 434-2 بابىمەن جازالاناتىنىن ەسكە سالدى.
«بۇل قۇقىق بۇزۋشىلىقتاردى جاساعان ازاماتتاردىڭ قوعامدىق ورىنداردا تاربيەسى مەن ءوزىن- ءوزى ۇستاۋ مادەنيەتىنىڭ تومەندىگىنىڭ بەلگىسى سانالادى. سونىمەن قاتار قوعامدى سىيلاماۋشىلىق پەن قورشاعان ورتاعا مەنسىنبەۋشىلىك تانىتۋى. بۇزۋشىلىققا جول بەرگەن ادام اكىمشىلىك جاۋاپقا تارتىلادى. ازاماتتاردى ءتارتىپتى ساقتاۋعا، زاڭدى بۇزباۋعا شاقىرامىن. قوعام بىرلەسە وتىرىپ، قالامىزدىڭ تابيعي قۇندىلىقتارى مەن مورالدىق- مادەني كەلبەتىن ساقتاي الادى. ال الماتى قازاقستاننىڭ قارجى- ەكونوميكالىق جانە مادەني ورتالىعى رەتىندە تەك ازاماتتاردىڭ كومەگىمەن ءوز مارتەبەسىن، جاقسى يميدجىن ساقتاپ قالۋى كەرەك»، - دەدى الماتى قالالىق پوليتسيا دەپارتامەنتىنىڭ جەرگىلىكتى پوليسيا قىزمەتى باسقارماسىنىڭ باسشىسى ەرجان ۇزابايەۆ.
