الماتىدا گرەك-ريم كۇرەسىنىڭ پالۋانى كۇش قولدانعانى ءۇشىن ايىپتالىپ جاتىر
الماتىدا ساۋدا ورتالىقتارىنىڭ بىرىندە گرەك-ريم كۇرەسىنەن قازاقستان چەمپيونى المات كەبىسپايەۆ ءبىر جىگىتتى ۇرىپ قۇلاتتى، دەپ حابارلايدى قازاقپارات ءتىلشىسى.
جەلىدە گرەك-ريم كۇرەسىنەن قازاقستان چەمپيونى المات كەبىسپايەۆ جىگىتتى ۇرىپ قۇلاتقانى تۋرالى اقپارات شىقتى.
ۆيدەوداعى جازبادا گرەك-ريم كۇرەسىنەن قازاقستاننىڭ بىرنەشە مارتە چەمپيونى، الەم چەمپيوناتتارىنىڭ جۇلدەگەرى المات كەبىسپايەۆ ساۋدا ورتالىعىنداعى بالالار ويىن-ساۋىق الاڭىندا بەس بالانىڭ اكەسىن ۇرىپ قۇلاتقانى جازىلعان.
الماتى قالالىق پوليتسيا دەپارتامەنتىنىڭ مالىمەتىنشە، 6-قىركۇيەكتە بوستاندىق اۋداندىق پوليتسيا باسقارماسىنا 1986-جىلى تۋعان م. ەسىمدى ازامات 1987 -جىلعى ك. ەسىمدى ازاماتقا قاتىستى ارىزدانعان.
"اتالعان دەرەك ق ر ق ك-نىڭ 73-1-بابى 1-بولىگىمەن تىركەلدى.
م. ەسىمدى ازاماتتىڭ العان جاراقاتىنىڭ اۋىرلىعىن انىقتاۋ ماقساتىندا سوت- مەديتسينالىق ساراپتاما تاعايىندالدى. ساراپتامالىق زەرتتەۋدىڭ قورىتىندىسىن العان سوڭ ماتەريال شەشىم قابىلداۋ ءۇشىن الماتى قالاسىنداعى م ا ءا س- نا جىبەرىلەتىن بولادى"، - دەپ حابارلادى قالالىق پوليتسيا دەپارتامەنتى باسپا ءسوز قىزمەتى.
