كەتپەن مەن پىشاق الىپ شىققان: الماتىدا ەر ادامدار جانجالداسىپ قالدى
الماتىدا ەر ادام مەن تانىمال تاماق ونىمدەرىن تاسىمالداۋشى كۋرەردىڭ اراسىندا جانجال تۋىندادى، دەپ حابارلايدى قازاقپارات.
جانجالدىڭ ۆيدەوسى جەلىگە تاراپ كەتتى. ۆيدەودا تاماق تاسىمالداۋشى كۋرەردىڭ قولىنا كەتپەن ۇستاعان ادامدى پىشاقپەن قورقىتىپ، موپەدتىڭ كىلتىن سۇراپ تۇرعانى ايقىن كورىنەدى.
الماتى قالالىق پوليتسيا دەپارتامەنتىنىڭ اقپاراتىنشا، اتالعان فاكت تىركەۋگە الىنىپ، بوستاندىق اۋداندىق پوليتسيا باسقارماسى ونى «بۇزاقىلىق» بابى بويىنشا تەرگەپ جاتىر.
«وسى وقيعاعا كۇدىكتى رەتىندە 1992 -جىلى تۋعان پ. اتتى ازامات ۇستالدى. ودان پىشاق الىنىپ، قىلمىستىق ءىس ماتەريالدارىنا قوسىلدى. قازىرگى تاڭدا وقيعاعا قاتىستى وزگە دە ءمان-جايلاردى انىقتاۋ ماقساتىندا تەرگەۋ ءىس-ارەكەتتەرى جۇرگىزىلىپ جاتىر»، - دەپ ءمالىم ەتتى، قالالىق پوليتسيا دەپارتامەنتىنەن.
Посмотреть эту публикацию в Instagram
