اقسايدا دەسترۋكتيۆتى ءدىني اعىم وكىلى ايەل زورلاماق بولدى
اقسايدا دەسترۋكتيۆتى ءدىني اعىم وكىلى ايەل زورلاماق بولىپ، ۇستالىپ قالدى، دەپ حابارلايدى قازاقپارات Polisia.kz سايتىنا سىلتەمە جاساپ.
سايتتاعى مالىمەتتەرگە قاراعاندا، قىلمىسكەردى انىقتاۋعا قىلمىس جاسالعان اۋماقتا تۇرعان بەينەباقىلاۋ كامەرالارى كومەكتەستى.
قىلمىس قىركۇيەكتىڭ 9 ىنا قاراعان ءتۇنى باتىس قازاقستان وبلىسىنىڭ اقساي قالاسىندا بولعان. سول كۇنى 1991 -جىلعى ايەل تۇندەلەتىپ ۇيىنە كەلە جاتىپ، جولدا ءبىر جىگىتتى كەزدەستىرەدى. ول ايەلدىڭ اڭگىمەگە تارتىپ، وزىمەن بىرگە ەرتىپ اكەتپەك بولادى. ايەل بەيتانىس جىگىتتىڭ ايتقانىنا كونە قويماعان سوڭ كۇش قولدانا باستايدى. ايەل قاشىپ ۇلگەرەدى، بەيتانىس ادام وقيعا ورنىنان بوي تاسالايدى.
ايەل ۇيىنە كەلگەن سوڭ جەدەل جاردەم شاقىرىپ، پوليتسياعا حابارلاسادى. پوليتسيا قىزمەتكەرلەرى اتالعان قىلمىستى جاسادى دەگەن كۇدىكپەن اقساي قالاسىنىڭ 34 جاسار تۇرعىنىن ۇستادى جانە ونىڭ دەسترۋكتيۆتى ءدىني اعىم وكىلى ەكەنىن انىقتادى.
كۇدىكتى ق ر قىلمىستىق- پروتسەستىك كودەكسىنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. وعان قاتىستى ق ر قىلمىستىق كودەكسىنىڭ 24-بابى - 120-بابى بويىنشا سوتقا دەيىنگى تەرگەۋ باستالدى.
