اكەسى اۋرۋحانادا قايتىس بولعان سوڭ دارىگەرلەردى ۇرىپ-سوققان ەكى كۇدىكتى ۇستالدى

الماتى وبلىستىق پوليتسيا دەپارتامەنتى ءمالىم ەتكەندەي، 19-قىركۇيەك كۇنى ساعات 10:35 شاماسىندا تالعار اۋداندىق پوليتسيا باسقارماسىنىڭ كەزەكشى بولىمىنە اۋرۋحانانىڭ 27 جاستاعى رەانيماتولوگى مەن 21 جاستاعى مەديتسينا قىزمەتكەرىن بەلگىسىز بىرەۋلەر ۇرىپ-سوققانى تۋرالى حابار تۇسكەن.

«بۇل دەرەك ق ر ق ك 106-بابى 2-بولىگى بويىنشا اۋدان پوليتسياسىندا تىركەلدى. جەدەل ىزدەستىرۋ شارالارى بارىسىندا تالعار اۋدانىنىڭ پوليتسيا قىزمەتكەرلەرى 1987 -جىلى تۋعان ش. جانە 1994 -جىلعى ن. ەسىمدى كۇدىكتىلەردى انىقتاپ، قولعا ءتۇسىردى. قازىرگى ۋاقىتتا وقيعانىڭ بۇكىل ءمان-جايىن جان-جاقتى، تولىق جانە وبەكتيۆتى زەرتتەۋ ءۇشىن ساراپتاما تاعايىندالىپ، تەرگەۋ ءجۇرىپ جاتىر»، - دەدى الماتى وبلىسى پ د باستىعى باۋىرجان الەنوۆ.

وزگە اقپارات ق ر ق پ ك 201-بابى اياسىندا جاريالانبايدى.

ەسكە سالايىق، كەشە تالعار اۋداندىق اۋرۋحاناسىندا اكەسىنىڭ قايتىس بولعانىن ەستىگەن ۇلدارى مەديتسينا قىزمەتكەرلەرىن ۇرىپ-سوعىپ، مارقۇمنىڭ دەنەسىن ۇرلاپ كەتكەن ەدى.

كەيىن دەنساۋلىق ساقتاۋ مينيسترلىگى اتالعان وقيعاعا پىكىر ءبىلدىرىپ، دارىگەرلەردى سوققىعا جىققانداردى جازالاۋدى تالاپ ەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى