قىزىلاعاشتاعى سۋ اپاتىندا 180 اۋىلداسىن ولىمنەن قۇتقارعان ادامدى بىلەسىز بە
حالىق تانىماسا دا، ەرلىگىمەن كوزگە تۇسكەن قازاقستاندىقتار جەتەرلىك. سونىڭ ءبىرى - قازبەك سەپسۋيەۆ. Bugin.kz قازىرگى زامان باتىرى تۋرالى اقپارات ۇسىنادى.
2010 -جىلى قازاقستان تاريحىنداعى قارالى كۇندەردىڭ ءبىرى بولدى. جەتىسۋ وبلىسىندا ورنالاسقان قىزىلاعاش اۋىلىندا سۋ قويماسى بۇزىلىپ، اۋىلدى سۋ الدى.
251 ۇيگە زاقىم كەلىپ، 146 وتباسى باسپاناسىنان ايىرىلعان. ەڭ سوراقىسى، 300 گە جۋىق ادام ءارتۇرلى جاراقاتپەن اۋرۋحاناعا جەتكىزىلىپ، 45 ادام مەرت بولدى.
اۋىلعا قۇتقارۋشىلار بىردەن بارماعانى انىق. دەسە دە، "گاز-53" جۇك كولىگىن تىزگىندەگەن 24 جاستاعى جىگىتتى اكەسى سۋ باسقان ايماققا جۇمساعان. ىرگەتاسى قىزىل كىرپىشتەن قالانعان ۇيلەردىڭ ءوزىن شايىپ كەتكەن تاسقىن سۋدا كولىكپەن ءجۇرۋدىڭ ءوزى قورقىنىشتى ەكەنى انىق.
ءبىراق قازبەك سەپسۋيەۆ قورىقپادى. سۋ اراسىندا قالعان ءبىر توپ ادامدى قاۋىپسىز ايماققا اپاردى. ءبىر رەت ەمەس، 6 مارتە كولىگىنە ادام تولتىرىپ، كومەك قولىن سوزۋعا بارعان. 180 ادامدى قۇتقارعان سەپسۋيەۆكە سول كەزدەگى توتەنشە جاعدايلار ءمينيسترى ۆلاديمير بوجكونىڭ ءوزى كەلىپ العىس ءبىلدىردى.
